Sansar News
१५ पुष, काठमाडौँ । पाकिस्तान क्रिकेट टिमका फवाद आलमले न्यूजिल्याण्ड विरुद्धको पहिलो टेस्टमा सतक जडेका छन ।
टस हारेर पहिले ब्याटिङ्ग गरेको न्यूजिल्याण्ड आफ्नो पहिलो इनिङ्गसमा १५५ ओभर खेल्दैँ ४३१ रन बनाएर अलआउट भएको थियो । न्यूजिल्याण्डका लागि पहिलो इनिङ्गसमा कप्तान केन विलियमसनले सर्वाधिक १२९ रनको पारी खेलेका थिए भने पाकिस्तानका लागि बलिङ्गमा शाहिन अफ्रिदीले सर्वाधिक ४ विकेट लिएका थिए ।
न्यूजिल्याण्ड क्रिकेट टिम अलआउट भए पछि ब्याटिङ्ग गर्न आएको पाकिस्तान आफ्नो पहिलो इनिङ्गसमा १०२.२ ओभरमा २३९ रन बनाएर अलआउट भएको थियो । पाकिस्तानका लागि ब्याटिङ्गमा फहिम अशरफले सर्वाधिक ९१ रन बनाएका थिए भने न्यूजिल्याण्डका लागि बलिङ्गमा काइल जेमीसनले सर्वाधिक ३ विकेट लिएका थिए ।
पहिलो इनिङ्गसमा १९२ रनले लिड लिएको न्यूजिल्याण्डले आफ्नो दोस्रो इनिङ्गस १८० रनमा समाप्त गरेको थियो । दोस्रो इनिङ्गसमा न्यूजिल्याण्डका लागि टम बल्नडेलले सर्वाधिक ६४ रन बनाएका थिए ।
पहिलो र दोस्रो इनिङ्गसको रन जोड्दैँ न्यूजिल्याण्डले जितको लागि पाकिस्तानलाई ३७३ रनको लक्ष्य दिएको छ ।
पाकिस्तानले आफ्नो दोस्रो इनिङ्गसमा उत्कृष्ट ब्याटिङ्ग गरिरहेको छ । पाकिस्तान अहिले १०३ ओभरमा ५ विकेट गुमाएर २४० रनमा ब्याटिङ्ग गरिरहेको छ । पाकिस्तानका लागि फवाद आलमले सतक जडेका छन । उनी १०२ रनमा ब्याटिङ्ग गरिरहेका छन भने फहिम असरफ ० रनमा ब्याटिङ्ग गरिरहेका छन ।
पाकिस्तानले जितका लागि अब २५ ओभरमा १३३ रन बनाउनु पर्ने छ भने न्यूजिल्याण्डले जितका लागि पाकिस्तानको ५ विकेट लिनु पर्ने छ ।
वि.सं.२०७७ पुस १५ बुधवार ०९:४९ मा प्रकाशित
