हामी सबैकाे संसारन्यूज

पुस २२, काठमाडौं । जनता समाजवादीका नेता डा. बाबुराम भट्टराईले संसद विघटन गर्ने प्रधानमन्त्री केपी शर्मा ओलीको निर्णय अदालतले सच्याउनुपर्ने बताएका छन् । परिवर्तनका मुद्दा रक्षा गर्न अदालत सजिलो बाटो भएको भन्दै उनले यस्तो भनेका हुन् ।

उनले अदालतभन्दा बाहेकको बाटो रोज्न नपरोस् भनि कामना पनि गरेका छन् । सामाजिक सञ्जालमार्फत उनले भनेका छन्, ‘आजदेखि सबैको आँखा सर्वोच्च अदालततिर हुनेछ, ओलीको गैरसंवैधानिक कदम सच्याउने र नेपाली जनताले इतिहासमा पहिलो पटक संविधानसभा मार्फत निर्माण गरेको संविधान र गणतन्त्र,संघीयता,धर्मनिरपेक्षता,समावेसी लोकतन्त्रको रक्षा गर्ने सजिलो बाटो सम्मानित अदालतको निर्णय हुनसक्छ, अरू बाटो रोज्न नपरोस् !’

आजदेखि सबैको आॅखा सर्वोच्च अदालततिर हुनेछ!ओलीको गैरसंवैधानिक कदम सच्याउने र नेपाली जनताले इतिहासमा पहिलो पटक संविधानसभा मार्फत निर्माण गरेको संविधान र गणतन्त्र,संघीयता,धर्मनिरपेक्षता,समावेसी लोकतन्त्रको रक्षा गर्ने सजिलो बाटो सम्मानित अदालतको निर्णय हुनसक्छ!अरू बाटो रोज्न नपरोस्!

— Baburam Bhattarai (@brb1954) January 6, 2021

संसद विघटन गर्ने सरकारको निर्णयविरुद्व परेका रिटमाथि सर्वोच्च अदालतको संवैधानिक इजलासमा आजदेखि अन्तिम सुनुवाई सुरु भएको छ । अदालतमा सुनुवाई भईरहेको बेला सबैको चाँसो फैसला प्रति छ ।

संसद विघटन गर्ने सरकारको निर्णय विरुद्वमा देखिएका बाबुरामले पनि फैसला संसद पुनस्र्थापना गर्ने गरि आउनुपर्ने बताएका हुन् ।