Sansar News
२२ पुस, काठमाडौं । एकैदिन देशका छुट्टा छुट्टै ठाउँमा डुबेर दुईजनाको मृत्यु भएको छ ।
सर्लाही, मलगंवा नगरपालिका–१ भेडहिया बस्ने पप्पु मण्डलको छोरा २ वर्षीय बजरंगी मण्डलको घर अगाडि नालामा डुबेर मंगलबार दिउँसो मृत्यु भएको छ । डुबेर अशक्त भएका उनको उपचारको लागि जिल्ला अस्पताल मलगंवा लैजाने क्रममा बाटोमै मृत्यु भएको हो ।
झापा, शिवसताक्षी नगरपालिका–२ हिमाली चोक बस्ने बिष्णु कार्कीको छोरा ११ वर्षीय बिवेक कार्कीको घरबाट ५ सय मिटर टाढा रहेको नहरमा डुबेर मंगलबार दिउँसो मृत्यु भएको छ । नहरमा पौडी खेल्ने क्रममा डुबेर अशक्त भएका उनको लाईफ लाईन अस्पताल दमकमा उपचारको क्रममा मृत्यु भएको हो ।
यस सम्बन्धमा स्थानीय प्रहरीले आवश्यक अनुसन्धान भइरहेको जानकारी दिएको छ ।
वि.सं.२०७७ पुस २२ बुधवार १३:१७ मा प्रकाशित
