Sansar News
पुस २२, काठमाडौं । जनता समाजवादी पार्टीका नेता डा. बाबुराम भट्टराईले प्रधानमन्त्री केपी शर्मा ओलीले संविधानमाथि ‘कु’ गरेको बताएका छन् । संसद विघटनको विरुद्वमा आन्दोलनरत पार्टीहरुको संयुक्त अन्तरक्रिया कार्यक्रमलाई सम्बोधन गर्दै उनले यस्तो बताएका हुन् ।
ओलीले व्यवस्थामाथि नै प्रहार गरेको भट्टराईको भनाई छ । ‘२०१७ सालमा राजा महेन्द्रले जुन ‘कु’ गरे, ०६०÷६१ सालमा राजा ज्ञानेन्द्रले जुन ‘कु’ गरे, त्यसैको हाराहारीको यो ‘कु’ हो’, भट्टराईले भनेका छन्, ‘यो संवैधानिक ‘कु’ होइन्, त्यो त संविधानअन्तर्गत थियो तर, यो संविधानमाथिको कु हो, व्यवस्थामाथिको कु हो ।’
उनले ओलीले गरेको ‘कु’लाई सामान्यकृत रुपमा नलिन सबै दलहरुलाई आग्रह गरेका छन् । ‘यसलाई सामान्य अवस्थामा लिने गल्ती कसैले नगरुँ । धेरैजसो हामी यो संसदीय परम्परा अभ्यासमा हुर्कीएका चिसो भनेकै कोकाकोला भन्ने अर्थमा लोकतन्त्र भनेकै संसदीय व्यवस्था हो भनेर बुझ्ने साथीहरु के भ्रममा हुनुहुन्छ भने बहुमतप्राप्त प्रधानमन्त्रीले विघटन गर्यो त के बिगार्यो ?’
उनले संसद विघटनको कदम संवैधानिक हो कि होइन भन्ने नै प्रश्न नरहेको बताए । उनका अनुसार ओलीले चालेको कदम राजनीतिक नै हो । उनले प्रधानमन्त्री ओली परिवर्तन विरोधी भएको पनि बताए ।
भिडियाेमा हेर्नुहाेस् भट्टराईकाे भनाई
वि.सं.२०७७ पुस २२ बुधवार १५:३५ मा प्रकाशित
