Sansar News
माघ २१, काठमाडौं । विभाजिन नेपाल कम्युनिष्ट पार्टी (नेकपा)को प्रचण्ड–नेपाल समूहले भोली बिहिबार आम हड्ताल गर्ने घोषणा गरेको छ । संवैधानिक निकायहरुमा जबरजस्ती नियुक्ती गरेको भन्दै प्रचण्ड–नेपाल समूहले आम हड्तालको घोषणा गरेको हो ।
जसबारे विस्तृतमा जानकारी दिन दिउँसो २ बजे पार्टी कार्यालय पेरिसडाँडामा आकस्मिक पत्रकार सम्मेलनसमेत आयोजना गरिएको प्रचण्ड–नेपाल समूहका नेता गणेश शाहले जानकारी दिए । उनले जनाएअनुसार आमहड्तालसँगै थप संघर्षका कार्यक्रम पनि घोषणा गर्ने तयारी गरिएको छ ।
संवैधानिक परिषदले संसदीय सुनुवाई बिनै बुधबार संवैधानिक निकायका पदाधीकारीहरुलाई सपथ गराएको थियो । संवैधानिक परिषदले पठाएको सिफारिसलाई सभामुख अग्निप्रसाद सापकोटाले सक्कलै फिर्ता गरेको केहि दिनमा नै सपथ गराइएको हो ।
वि.सं.२०७७ माघ २१ बुधवार १३:०१ मा प्रकाशित
