Sansar News
२८ माघ, काठमाडौं । प्रधानमन्त्री केपी शर्मा ओली फागुन ३ गते कोठा सर्दैछन् ।
२०७२ को भूकम्पका कारण दक्षिण गेटमा आगलागी भएको सिंहदरबारको मूल भवनको जगैदेखि पुनःनिर्माण (रेट्रो फिटिङ) सम्पन्न भएपछि प्रधानमन्त्रीलाई एक ठाउँबाट अर्को ठाउँमा सार्न लागिएको हो ।
रेट्रो फिटिङ सकिएपछि फागुन ३ गते सोमबारको साइतमा त्यसको उद्घाटन र त्यसैदिनदेखि प्रधानमन्त्री तथा मन्त्रिपरिषद्को कार्यालय पुरानै ठाउँमा सर्ने भएको हो ।
भूकम्पका कारण मूल भवनमा ८० प्रतिशत क्षति भएको थियो । त्यसबेला सरकारले भवन भत्काएर नयाँ निर्माण गर्ने योजना बनायो । तर विश्व सम्पदा सूचीमा भएका कारण त्यसको पुरातात्विक महत्व लोप हुने गरी भवन बनाउन दिइएन ।
पाँच वर्षपछि उक्त भवनको रेट्रो फिटिङ गरिएको छ । त्यसको पुनर्निर्माणमा ८० करोड खर्च भएको समाचार बुधबारको जनआस्था दैनिकमा रहेको छ ।
वि.सं.२०७७ माघ २८ बुधवार ०९:२२ मा प्रकाशित
