हामी सबैकाे संसारन्यूज

१७ फागुन, काठमाडौं । सामाजिक अभियन्ता शरिन ख्युङ्वा तामाङले समलिङ्गी विवाह गरेकी छन् ।

बैदेशिक रोजगारीका क्रममा इजरायलमा रहँदा विभिन्न देशमा समस्यामा रहेका नेपालीको बारेमा आवाज उठाउँदै आएकी तथा देशमा दैवी प्रकोप लगायतका समस्या पर्दा सहयोगको अभियान समेत चलाउँदै आएकी तामाङले देवी कार्कीसँग समलिङ्गी विवाह गरेकी हुन् ।

दुई छोराछोरीकी आमा समेत रहेकी तामाङले कार्की र आफ्नो बुवा आमाको आर्शिवाद लिएर आफूहरुबीच रहेको दुईवर्षदेखिको निस्वार्थ मायालाई पहिचान दिन सफल भएको र जिन्दगीको दोस्रो अध्याय सुरु भएको बताएकी छन् ।

दुई सन्तानकी आमा समेत भइसकेकी शरिनको यो कदमको सामाजिक संजालमा धेरैले स्वागत गर्दै दुवैको वैवाहिक जीवनको सफलताको कामना गरेका छन् ।

उनलाई शुभकामना दिँदै केहीले समलिङ्गी ब्यवहार कुनै पाप नभएको र यो पनि ईश्वरकै देन रहेकोले सबैलाइ आ–आफ्नो तरिकाले बाच्ने अधिकार रहेको बताएका छन् भने केहीले हिन्दुसंस्कार विरुद्धमा गरिएको यस्तो कार्य भनेर विरोध गरेका छन् ।

त्यस्तै समाजसेवी जुनु पुनले वैवाहिक जीवनको शुभकामना दिदै हिम्मत यसरी हुने भन्दै दुनियाँले के भन्छ ,दुनियाँको पछि नलाग्न सुझाव दिँदै भनेकी छन्, ‘जिन्दगी एक अर्कोले जिउने हो, भन्ने ले जे सुकै भनु्न् माया पिरती अमर हो ।’