हामी सबैकाे संसारन्यूज

१६ माघ,काठमाडौँ। नवगठित साहित्यिक संस्था समन्वय सङ्घ नेपालले साहित्यिक संस्थाहरुलाई नियमित अनुदान दिन सरकारसँग माग गरेको छ ।

सङ्घले विसं २०६४ भन्दा पूर्व सरकारबाट दिइँदै आएको अनुदानलाई निरन्तरता दिन माग गरेको हो । सङ्घको शनिबार यहाँ सम्पन्न भेलाले तीलगायत विभिन्न १५ बुँदे माग र सरोकारलाई पारित गरेको छ ।

विभिन्न साहित्यिक संस्थाहरु आबद्ध सो सङ्घले साहित्यकार उपचार कोष स्थापना गर्न पनि माग गरेको छ ।

सङ्घका अध्यक्ष वेदमणि घिमिरे ‘गोविन्द’ का अनुसार साहित्यिक कार्यक्रमहरु, नवीकरण, कर तथा सुविधालगायतका विषयमा आपसी समन्वयका लागि सञ्जाल गठन गरिएको हो ।