Sansar News
२३ माघ, काठमाडौँ । उत्तरी दोलखालाई केन्द्रबिन्दु बनाएर शनिबार गोरखा भूकम्पको अर्को परकम्प गएको छ ।
साँझ ५ बजेर ५८ मिनेट जाँदा ४.४ रिक्टरको परकम्प गएको खानी तथा भू–गर्भ विभाग, राष्ट्रिय भूकम्प मापन केन्द्रले जनाएको छ ।
दोलखाको भिमेश्वरदेखि करिब आठ किलोमिटर उत्तरको सुन्द्रावती र लापिलाङको आसपास केन्द्र भएर परकम्प गएको केन्द्रका प्रमुख लोकविजय अधिकारीले राससलाई जानकारी दिनुभयो ।
करिब दुई महिनाको अन्तरालपछि परकम्प गएको हो । यसअघि गत मङ्सिर १३ गते गोरखामा ४.१ रिक्टरको परकम्प गएको थियो ।
गत २०७२ वैशाख १२ को ७.६ रिक्टरको गोरखा भूकम्पपछि हालसम्म ४ रिक्टर स्केलभन्दा माथिका ४७६ परकम्प गएको केन्द्रले जनाएको छ ।
वि.सं.२०७३ माघ २३ आइतवार ०३:१२ मा प्रकाशित
