Sansar News
जेवी जिज्ञासु
नेचासल्यान – २, सोलुखुम्बु
रातजस्तै कालो बिहानी छ उस्तै
मृत्युझैँ लाग्ने जिन्दगानी छ उस्तै
रातभर जागा बस्छु हेरेर चन्द्र
सम्झना तिम्रो बेइमानी छ उस्तै
होस् ग्रहण या ओैँसी उनी जून बन्छिन्
दु:खमा उनको हाँस्ने बानी छ उस्तै
बैँस तिम्रो तातो थियो सूर्यभन्दा
आज छाम्दा आगो र पानी छ उस्तै
फूल फुल्छन् तिम्रा नयनमा गुलाबी
जूनझैँ तिम्रो शान्त नानी छ उस्तै
बहर : खफीफ
अर्कान : फाइलातुन् , मस्तफ्इलुन् , फाइलातुन्
वजन : २१२२ – २२१२ – २१२२
काफिया : आनी
रदिफ : छ उस्तै
अभ्यास : उज्यालो पाठशाला
वि.सं.२०८३ वैशाख ५ शनिवार ०९:११ मा प्रकाशित
