Sansar News
६ जेठ, काठमाडौँ । नेपाली काँग्रेसका प्रवक्ता विश्वप्रकाश शर्माले राष्ट्रपति विद्यादेवी भण्डारीप्रति व्यङ्गात्मक टिप्पणी गरेका छन् ।
स्वविवेक लगाउनु भन्दा पनि प्रधानमन्त्रीको चाहना अनुसार निर्णयहरु गरिदिने राष्ट्रपतिको कार्यप्रति व्यङ्ग्य गर्दै उनले भनेका छन् ‘रास्ट्रपति भवनमा मेरो देशको रास्ट्रपति बस्नुहुन्छ कि केवल विधा भण्डारी बस्नुहुन्छ ?’
संविधानको धारा ७६ (५) मा जानु अघि प्रधानमन्त्रीले विश्वासको मत लिनु पर्ने भएपनि राष्ट्रपति भण्डारीले प्रधानमन्त्रीको चाहना बमोजिम नयाँ सरकार गठन गर्न आव्हान गर्नु संविधान छल्ने र संसदलाई प्रयोजनहिन बनाउने संयुक्त षड्यन्त्र भएको बताएका छन् ।
सामाजिक सञ्जालमा उनले भनेका छन् :
रास्ट्रपति भवनमा मेरो देशको रास्ट्रपति बस्नुहुन्छ कि केवल ‘विधा भण्डारी’ बस्नुहुन्छ ?
प्रधानमन्त्रीको प्रस्ताव परिपक्व हुन समय किन चाहिएन ? संस्था सेरोमोनियल हुनु र खल्तिको हुनु एउटै हो ? संविधान छल्ने र संसदलाई प्रयोजनहिन बनाउने संयुक्त षडयन्त्र आपत्तिजनक छ !
वि.सं.२०७८ जेठ ६ बिहीवार २१:३५ मा प्रकाशित
