Sansar News
१४ जेठ, काठमाडौँ । नेपाल स्टक एक्सचेञ्ज (नेप्से) मा दुई इन्स्योरेन्सको शेयरमूल्य समायोजन भएको छ । नेप्सेमा लुम्बिनी जनरल इन्स्योरेन्स र सिद्धार्थ इन्स्योरेन्सको शेयरमूल्य समायोजन भएको हो ।
साधारण सभा तथा लाभांश वितरण प्रयोजनार्थ यी इन्स्योरेन्सले बुकक्लोज गरेसँगै नेप्सेले शेयरमूल्य समायोजन गरी नयाँ मूल्य निर्धारण गरेको हो।
नेप्सेले लुम्बिनी जनरल इन्स्योरेन्स को ५ प्रतिशत बोनस शेयर समायोजन गरेको हो । समायोजनपश्चात इन्स्योरेन्सको शेयरमूल्य ७९१ तोकिएको छ।
त्यसैगरी, नेप्सेले सिद्धार्थ इन्स्योरेन्सको १२ प्रतिशत बोनस शेयर समायोजन गरेको हो । समायोजनपश्चात इन्स्योरेन्सको शेयरमूल्य १ हजार २०५ रुपैयाँ कायम गरिएको छ।
नेप्सेले अघिल्लो कारोबार दिनको अन्तिम मूल्यका आधारमा शेयरमूल्य समायोजन गरेको हो । बिहीबार लुम्बिनीको शेयर प्रतिकित्ता ८३१ रुपैयाँमा र सिद्धार्थको प्रतिकित्ता १ हजार ३५० रुपैयाँमा अन्तिम कारोबार भएको थियो।
वि.सं.२०७८ जेठ १४ शुक्रवार १०:५६ मा प्रकाशित
