हामी सबैकाे संसारन्यूज

१५ जेठ, काठमाडौँ । नेपाली कांग्रेसका सभापति एवम् पूर्ब प्रधानमन्त्री शेरबहादुर देउवाले राष्ट्रपति र प्रधानमन्त्रीको व्यवहारको दुश्परिणाम आज नेपाली जनताले भोग्नु परेको बताएका छन् ।

गणतन्त्र दिबसको शुभ कामना दिदै सभापति देउवाले राष्ट्रपति र प्रधानमन्त्रीकै संस्कार र व्यवहार तदनुकूलको बन्न नसक्दा त्यसको दुश्परिणाम आज हामी भोगिरहेको बताएका हुन् ।

‘देशको राष्ट्रपति र प्रधानमन्त्रीकै संस्कार र व्यवहार तदनूकूलको बन्न नसक्दा त्यसको दुश्परिणाम देशले भोग्नु पर्ने हुनछ र आज हामी त्यो भोगिरहेका छौँ ।’ शुभकामना मन्तव्यमा उल्लेख छ ।

देउवाले कुनै पनि राज्य प्रणालीको सफलता त्यसको नेतृत्व गर्ने शासकको चरित्र र व्यवहारमा निर्भर हुन्छ । लोकतान्त्रिक गणतन्त्रको सफलताका लागि हाम्रो शैली र व्यवहार निरन्तर समिक्षाको बिषय बन्दछ र बन्नु पर्नेमा जोड दिएका छन् ।

उनले देशको गणतन्त्र दिवसको यो मितिमा यसप्रति गम्भीरता राख्न र यो चुनौती पार गरेर अघि बढ्ने संकल्प गर्न समस्त नेपालीमा अपील गरेका छन् ।