हामी सबैकाे संसारन्यूज

२१ जेठ, काठमाडौँ । राष्ट्रिय प्रजातन्त्र पार्टी(राप्रपा) का अध्यक्ष डा. प्रकाशचन्द्र लोहनीले प्रकृति माथि हमला गरेर देश बनाउछु भन्नु मुर्खताको पराकाष्ठा भएको बताएका छन् ।

सरकारले वैदेशिक व्यापार घाटा कम गर्न चुरे क्षेत्रबाट गिट्टी ढुंगा खोल्ने बजेट भाषणमा उल्लेख गरेपछि त्यसकाे प्रतिक्रियाका रुपमा डा. लोहनीले उक्त धारणा राखेका हुन् ।

सामाजिक सञ्जालमा धारणा राख्दै ‘यो निर्णयले चुरे–भावर–तराई बीचको पर्यावरणको सन्तुलन ध्वस्त पार्दछ। गरिबलाई झन् गरिब बनाउछ र त्यस क्षेत्रमा मरुभूमिकरणलाई प्रोत्साहन गर्दछ। जथाभाबी प्रकृति माथि हमला गरेर देस बनाउछु भन्नु मुर्खताको पराकाष्ठा ’ भएको बताएका हुन् ।

‘नेपालको बाणिज्य नीतिले दिर्घकालिन आर्थिक विकास, समाबेसी विकास र दिगो आर्थिक वृद्धि दरको लागि सरकारी प्रतिबद्धता व्यक्त गरेको छ । हाल चुरे क्षेत्रबाट गिट्टी ढुंगा खोल्ने बजेटको नीति यी तिनै लक्ष्यको ठाडो बिपरत’ भएको उल्लेख गर्दै उनले उक्त नीति तुरुन्त खारेज गर्न सल्लाह दिएका छन् ।

उनले भनेका छन् ‘यो नीति केवल ढुंगा गिट्टी निकासी गर्ने काममा लागेका सत्ताधारीहरु र उनीहरुका आसेपासेहरुको स्वार्थको लागि भएको देखिन लगेको छ । अर्थमन्त्रि जी ले यो जालोबाट पर गएर यो नीति तुरुन्त खारेज गर्न मरो सल्लाह छ ।’