Sansar News
२२ जेठ, काठमाडौँ । अष्ट्रेलिया सरकारले नेपाली सेनालाई सहयोग स्वरुप स्वास्थ्य सामग्री प्रदान गरेको छ ।
नेपालस्थित अष्ट्रेलियाकी राजदूत फेलिसिटी जान भोल्कले शनिबार त्रिभुवन अन्तर्राष्ट्रिय विमानस्थलमा आयोजित एक कार्यक्रमकाबीच सेनालाई स्वास्थ्यकर्मीको सुरक्षार्थ आवश्यक पर्ने विभिन्न स्वास्थ्य सामाग्री हस्तान्तरण गरेकी हुन् ।
उक्त सहयोग बलाधिकृत रथी प्रभुराम शर्माले बुझेका थिए । सहयोग ग्रहण गर्दै रथी शर्माले मित्रराष्ट्र अष्ट्रेलियाले गरेको सहयोगप्रति हार्दिक आभार तथा धन्यवाद प्रकट गरे ।
कोभिड १९ को प्रतिकार्यका लागि नेपाली सेनाबाट तैनाथ गरिने स्वास्थ्यकर्मीको सुरक्षार्थ आवश्यक पर्ने विभिन्न स्वास्थ्य सामाग्रीहरु अष्ट्रेलियन फोर्सको जहाजमार्फत आज(शनिबार) नै नेपाल ल्याइएको नेपाली सेनाले जानकारी दिएको छ ।
वि.सं.२०७८ जेठ २२ शनिवार १८:३५ मा प्रकाशित
