हामी सबैकाे संसारन्यूज

२४ जेठ, काठमाडौं । स्वास्थ्य तथा जनसंख्या मन्त्रालयले यसअघि कोभिसिल्ड खोपको पहिलो मात्रा लगाएर बसेकाहरुले अव दोस्रो मात्रामा कोभिसिल्ड जस्तै काम गर्ने अस्ट्राजेनिका खोप लगाउनु पर्ने बताएको छ ।

मन्त्रालयले फागुन २३ गते देखि चैत १० गते सम्म कोभिसिल्ड खोपको पहिलो मात्रा लगाएकाहरुले दोस्रो मात्रा लगाउने समय भइसकेको अवस्थामा भारतको सिरम इन्स्च्युट र कोभ्याक्ससँग भएको खोप सम्झौता अनुसार उनीहरु दुवैले खोप उपलब्ध गराउन नसक्ने जनाएपछि उक्त खोप विकल्पमा अस्ट्राजेनिका लगाउनुपर्ने बताएको छ ।

‘कोभिसिल्डको पहिलो मात्रा लगाउने समय भइसकेको तर सिरम इन्स्च्युट अफ इण्डियासँग सम्झौता भई अग्रिम भुक्तानी भइसकेको र कोभ्याक्स फ्यासिलिटी दुबैले (एउटै स्रोत) खोप उपलब्ध गराउन असमर्थ भएको पत्र प्राप्त भएकोले तोकिएको मितिमा उक्त मात्रा दिन नसकिएको जानकारी गराउँदै, उक्त खोपको विकल्पमा एउटै प्रकृतिको अस्ट्राजेनिका खोप, नेपाललाई प्राप्त भए पश्चात १२ हप्तापछि पनि सो खोपलाई दोस्रो मात्राको रुपमा लगाउने व्यवस्था मिलाइने भएकाले धैर्यताका साथ प्रतिक्षारत रहन स्वास्थ्य तथा जनसंख्या मन्त्रालय हार्दिक अनुरोध गर्दछ ।’ मन्त्रालयद्धारा आइतबार जारी विज्ञप्तिमा भनिएको छ ।