Sansar News
९ असार, काठमाडौँ । नेपाल टेलिकमको मोबाइलमा अचम्मैको समस्या देखापरेको छ ।
बिहानैदेखि देशभर टेलिकमका प्रिपेड तथा पोष्टपेड नम्बरमा फोन लागिरहेको छैन। टावर देखाए पनि फोनसम्पर्क भने हुन सकेका छैन ।
बिहानै देखि मोबाइल सेवामा भोल्टे, डाटा चलिरहेको तर नरमल भ्वाइसमा समस्या आएको कारणबारे दुरसंचारका इन्जिनियरहरुले खोजिबिन गरिरहेको तर तथ्य आइनसकेको बताइएको छ ।
मोबाइलमा सम्पर्क हुन नसक्दा सेवाग्राहीहरु प्रभावित बनेका छन। सामाजिक सञ्जालहरुमा समेत सेवा अवरुद्ध भएको भन्दै ग्राहकहरुले आक्रोश पोखेका छन।
मंगलबार मात्रै २० जना मन्त्रीअपदस्त भएको र आज बुधबार प्रतिनिधि सभा विघटन विरुद्धको सुनुवाई हुनेस्थिति रहेको तथा प्रधानमन्त्री केपी शर्मा ओलीले लगाउने सम्भावित संकटकाललाई जोडेर टिप्पणीहरु भएका छन् । तर टेलिकमको ल्याण्डलाइन र इन्टरनेट चल्नुले प्राविधिक समस्या नै रहेको मान्न सकिन्छ ।
वि.सं.२०७८ असार ९ बुधवार ०८:३९ मा प्रकाशित
