Sansar News
९ असार, जाजरकोट । भिरबाट लडेर घाइते हुनुभएकी भेरी नगरपालिका–२ की वडासदस्य सुशीला नेपालीको उपचारका लागि अस्पताल लैजाँदै गर्दा सोमबार राति निधन भएको छ ।
भेरी–२ डिंगा घरबाट बाहुनथानास्थित वडास्तरीय योजना तर्जुमा बैठकमा सहभागी हुन जाँदै गर्दा लडेर घाइते भएकी नेपालीलाई उपचारका लागि नेपालगञ्ज लैजाँदै गर्दा बाटोमै ज्यान गएको नगरपालिकाका प्रवक्ता पार्वती विकले बताएकी छन् ।
नेकपा माओवादी केन्द्रका नेता शक्ति बस्नेतले पनि नेपालीको असामयिक निधनले आफू स्तब्ध भएको भन्दै दुःख ब्यक्त गरेका छन् ।
वि.सं.२०७८ असार ९ बुधवार ०८:४२ मा प्रकाशित
