हामी सबैकाे संसारन्यूज

१४ असार, काठमाडौँ । साविक विजेता पोर्चुगल युरोकप २०२० को अन्तिम १६ बाटै बाहिरिएको छ भने बेल्जियम क्वाटरफाइनलमा प्रवेश गरेको छ । गएराति भएको अन्तिम १६ को खेलमा साविक विजेता पोर्चुगललाई १-० गोलले पराजित गर्दै बेल्जियम अन्तिम आठमा पुगेको हो ।

बेल्जियमका लागि थोर्गन हजार्डले ४२ औँ मिनेटमा निर्णायक गोल गरेका थिए । दोस्रो हाफमा क्रिस्टियानो रोनाल्डो नेतृत्वको पोर्चुगलले बराबरी गोल फर्काउने प्रयास गरेपनि सफल हुन सकेन । अब बेल्जियमले सेमिफाइनल प्रवेशका लागि इटालीसँग प्रतिस्पर्धा गर्नेछ ।

त्यसैगरी आइतबार राति भएको खेलमा चेक रिपब्लिकले पनि नेदरल्यान्ड्सलाई २-० गोलले पराजित गर्दै अन्तिम आठमा स्थान पक्का गरेको छ ।