Sansar News
१५ असार, काठमाडौँ । मंगलबार सेयर बजार (नेप्से) ४७ दशमलब ४९ अकंल घटेर २८२८ मा पुगेको छ । त्यस्तै ठूला कम्पनीहरुकोे कारोबार मापक सेन्सेटिभ पनि ९ दशमलब ८७ अकंले घटेर ५२३ दशमलब ७० अकंमा पुगेको छ ।
सेयर बजारमा गिरावट आएसँगै लघुवित्त श्रेत्रका बाहेक सबै कम्पनीको सूचक ओरालो लागेको छ ।
आज कुल सूचिकृत मध्ये २२३ कम्पनीको ६ अर्ब ७२ करोड ६३ लाख ६१ हजार ८६९ रुपैंया बराबरको १ करोड ४० लाख ४४ हजार ३८१ कित्ता सेयर किनबेच भएको छ । तिनको कारोबारमा ७५ हजार ८ सय ८० पटक लेनदेन भएको छ ।
कारोबार रकमको आधारमा राधी विद्यृत कम्पनी, नेशनल हाईड्रोपावर, हाइड्रोईक्ट्रीसिटी इन्भेष्टमेन्ट एण्ड र डेभलपमेन्ट कम्पनी, नेपाल इन्स्योरेन्स कम्पनी लगायतका कम्पनीहरु शिर्ष स्थानमा रहे भने कारोबार संख्याको आधारमा नेशनल हाईड्रोपावर, लक्ष्मी इक्यूटी फन्ड, हाइड्रोईक्ट्रीसिटी इन्भेष्टमेन्ट एण्ड र डेभलपमेन्ट कम्पनी, राधी विद्यृत कम्पनी लगायतका कम्पनीहरु शिर्ष स्थानमा रहे ।
आज सेयर बजारमा दोहोरो अकंले गिरावट आउदाँ पनि ओरियन्ट होटल्ल, गुराँस लघुवित्त, सामुदायिक लघुवित्त, तारागाँउ रेजेन्सी होटल, सिभिल लघुवित्त लगायतका कम्पनीका लगानीकार्ताहरुले कमाएका छन भने प्रोग्रेशिभ फाइनान्स, हाइड्रोईक्ट्रीसिटी इन्भेष्टमेन्ट एण्ड र डेभलपमेन्ट कम्पनी, वेस्ट फाइनान्स, श्री इन्भेष्टमेन्ट फाइनान्स, सेन्ट्रल फाइनान्स लगायतका लागनीकर्ताले गुमाएका छन ।
आज भएको कारोबारमा ३५ कम्पनी लागनीकर्ताले कमाउदाँ १४६ कम्पनीमा लगानीकर्ताले गुमाएका छन भने २ कम्पनीको सूचकमा कुनै पनि फेरबदल भएको छैन ।
वि.सं.२०७८ असार १५ मंगलवार १५:५१ मा प्रकाशित
