हामी सबैकाे संसारन्यूज

१५ असार, मुगु । नेपाल रेडक्रस सोसाइटी मुगु शाखाले स्थानीयको घर–घरमा पुगेर मास्क वितरण गरेको छ ।

मुगु रेडक्रस कर्कीबाडा उपशाखाकी सभापति लक्ष्मीदेबि रावलले मंगलबार स्थानीयको घर आँगन घरदैलो र खेतबारीमा पुगेर माक्स बितरण गरेकी हुन् । कोरोना महामारीलाई लक्षित गरि रावलले कार्कीबाडा, ढुम, भामबाडा गाउँ र चैत प्रहरी चौकीमा पुगेर सुरक्षाकर्मी, महिला, पुरुष तथा बुढापाकालाई मास्क बितरण गरेकी छन् ।

नेपाल रेडक्रस सोसाइटी मुगु शाखाले कार्कीबाडा उपशाखाको निम्ति छुटयाएको करिव चारसय मास्क र रेडक्रसको झण्डा लिएर रावलले घरदैलो घर आँगनमा गएर सबैको हात–हातमा वितरण गरेकी हुन् ।

कोरोना महामारीबाट बच्न चारसय मास्क बितरण गरिएको रावलले बताइन् । रावलले खेतीपातीको समयमा किसानहरु प्राय घरमा नबस्ने भएकोले खेतबारीमै पुगेर पनि मास्क उपलब्ध गराएको बताइन् ।

मास्क बितरणसंगै रावलले महिला पुरुष बुढापाकाहरुलाई कोरोनाबाट जोगिन अनिबार्य मास्क प्रयोग गर्न सुझाव समेत दिएकी छन् ।

कोरोना महामारीलाई मध्येनजर गरि नेपाल रेडक्रस सोसाइटी मुगुको १२ वटा उपशाखाका स्वयम सेवक, सहयोगी कार्यदल, प्राथमिक उपचार केन्द्र आँखा अस्पतालमा माक्स बितरण गरेका छन । उक्त उपशाखाद्धारा गाउँबस्तीका बुढापाका महिला पुरुष समेतलाई मास्क बितरण गरिएको छ ।

कोभिड–१९ लाई लक्षित गरि यो पटक मुगुमा १८ हजार माक्स बितरण गरिएको रेडक्रसका मन्त्री रत्नसिह मल्लको भनाई छ । रेडक्रसलाई चीन सरकारबाट २० हजार मास्क सहयोग भएको उनको भनाई छ ।

कोरोना महामारीसंगै बाढी पहिरो र घर भत्केका पीडित परिवारजनलाई रेडक्रसले राहत दिने काम गरिरहेको नेपाल रेडक्रस सोसाइटी मुगु शाखाका सभापति जयबहादुर मल्लको भनाई छ । रेडक्रसले संचालन गरेको एम्बुलेन्सले कोरोनाका बिरामीलाई ओसार पसारमा टेवा पु¥याएको सभापतिको भनाई छ ।