Sansar News
शोभा बन्जाडे, दाङ । दाङमा असार २२ गतेसम्म निशेधाज्ञा थपिएको छ । जिल्ला प्रशासन कार्यालय दाङका अनुसार सरकारी कार्यालय, बैंक तथा बित्तीय संस्थाहरु भने नियमित खुल्ने भएका छन् ।
जिल्ला सहायक प्रमुख चिरञ्जीवी रानाका अनुसार स्वास्थ्य मापदण्ड पालना गर्दै जिल्लाभित्र निजि तथा सार्बजनिक यातायात संचालन गर्ने, विहान ६ बजेदेखि बेलुकी ६ बजेसम्म बजार खुल्ने, सरकारी कार्यालय, बैंक तथा वित्तिय संस्थाहरु नियमित खुल्ने निर्णय भएको छ ।
त्यस्तै बिहान १० बजेदेखी बेलुकी ६ बजेसम्म होटेलले स्वास्थ्य मापदण्ड अनुसार खानेकुरा तयार गरेर प्याकिङ गरेर बेच्न पाउने भने यथावत कायम राखिएको छ ।
यस अघि असार १५ गतेसम्म लकडाउनको मिति तोकिएको थियो । केन्द्रको मंगलबार बसेको बैठकले यस्तो निर्णय गरेको हो ।
वि.सं.२०७८ असार १६ बुधवार १०:५६ मा प्रकाशित
