हामी सबैकाे संसारन्यूज

१७ असार, काठमाडौँ । नेको इन्सुरेन्सको लाभांश सुरक्षित गर्ने आज असार १७ गते अन्तिम दिन रहेको छ । साधारण सभा प्रयोजनका लागि नेकोले असार १८ गते शुक्रबारबाट सभा हुने दिनसम्म बुक क्लोज गर्दैछ । यसकारण आज असार १७ गतेसम्म शेयर खरिद गर्नेले प्रस्तावित बोनस शेयर प्राप्त गर्न सक्ने छन् ।

कम्पनीले असार ३१ गते वार्षिक साधारण सभा बोलाएको छ । कम्पनीले सभामा आर्थिक वर्ष २०७६/२०७७ को मुनाफाबाट १५.५ प्रतिशत बोनश शेयर र बोनश शेयरमा लाग्ने कर प्रयोजनका लागि ०.८२ प्रतिशत नगद लाभांश वितरण गर्ने प्रस्ताव पेस गर्दैछ ।

कम्पनीको वार्षिक साधारण सभा असार ३१ गते ज्ञानेश्वरमा रहेका आफ्नै भवनमा भर्चुअल माध्यमबाट हुनेछ ।