हामी सबैकाे संसारन्यूज

असार १७, काठमाडौं । नेकपा (एमाले)का अध्यक्ष केपी शर्मा ओलीले सर्वोच्च अदालतले अबैध भनेको दशौं राष्ट्रिय महाधिवेशन आयोजक कमिटीलाई केन्द्रीय कमिटीमा रुपान्तरण गरेका छन् । उनले रुपान्तरित केन्द्रीय कमिटीको बैठक असार १८ अर्थात् भोली बोलाएका छन् ।

ओलीले आयोजक कमिटीलाई केन्द्रीय कमिटीमा रुपान्तरण गर्दै बोलाएको बैठकप्रति माधवकुमार नेपाल पक्ष भने अलमलमा देखिएको छ । यस्तोमा माधव पक्षको एक पंक्ति ओलीको पछिल्लो कदम आफ्नो समूहलाई फुटाउने र विभाजन गर्ने खेलमा केन्द्रीत रहेको टिप्पणी गरेको छ ।

पुरानै Product मा नयाँ Wrapper मात्र लगाएको हो। Customer झुक्किनु पर्ने नै छैन। भ्रममा नपरौँ, आजको ओली गुटको बैठकको निर्णय २०७७ फागुन २८ को निर्णयको नाम मात्र फेरेको हो।

— Ram kumari Jhakri (@Jhakri_didi) June 30, 2021

माधव पक्षीय नेतृ रामकुमारी झाँक्रीले ओलीको कदम भ्रममा पार्ने खेल मात्रै भएको टिप्पणी गरेकी छिन् । आयोजक कमिटीलाई केन्द्रीय कमिटीमा रुपान्तरण गर्ने कुरा फर्जी भएको उनको भनाई छ ।

उनले पुरानै उत्पादनमा नयाँ खोल मात्रै लगाइएको भन्दै ओलीको ०७७ फागुन २८ को निर्णयको नाम परिवर्तन गरेको टिप्पणी गरेकी छिन् । उनले भनेकी छिन्, ‘पुरानै उत्पादनमा नयाँ खोल मात्र लगाइएको हो । ग्राहकहरु झुक्निु पर्ने नै छैन । भ्रममा नपरौँ, आजको ओली गुटको बैठकको निर्णय २०७७ फागुन २८ को निर्णयको नाम मात्र फेरेको हो ।’