Sansar News
गैरआवासीय नेपाली संघ (एनआरएनए) जापानको अधिवेशन नजिकिदै गर्दा उमेद्वारी दिनेको संख्या पनि बढिरहेको छ ।
पछिल्लो समय एनआरएनए जापानमा विकृति मात्र होईन, केहि आशालाग्दा पात्रहरु पनि देखा परेका छन् । तीमध्येका एक हुन् विष्णु प्रसाद घिमिरे पनि । संस्थामा लाग्न त्यसको ग्रास लेवल बाट आउन जरुरी रहेको बताउने घिमीरे भन्छन्– जस्ले संस्था सञ्चालन अनि संस्थाको लक्ष्यमा पुग्न सहज हुने गर्छ । अझ संस्थामा लाग्दा केही पाईन्छ कि भन्ने सोच त्याग्न जरुरी छ । जुनसुकै सामाजिक कार्य गर्दा आफुले यथासक्दो समय, ज्ञान, धन आदी दिने हो ।’
आत्मा सन्तुष्टिको लागि सामाजिक कार्यमा लागेको बताउने घिमिरे एनआरएनए नागोया क्षेत्रिय समितिमा (२०११–१३) उपसंयोजक हुँदैं (२०१३–१५ ) मा नागोयाको संयोजक समेत भइसकेका व्यक्ति हुन् । उनी हाल एनआरएनए जापानका सचिव छन् ।
एनआरएनए जापान यतिबेला भष्ट्रचारको दलदलमा फसेको कुरा बाहिर आएका छन् नि भन्ने प्रश्नमा घिमीरेले आफू त्यस्ता कार्यमा कहि कतै नमुछिएको र भविश्यमा पनि नमुछिने बताउँदै भष्ट्रचार मुक्त एनआरएनए बनाउने अभियानमा आफु लाग्ने बताउँछन् ।
समाज सेवासंगै साहित्यमा पनि उत्तिकै रुचि राख्ने घिमीरे अनेसास जापानको महासचिव हुँदैँ अध्यक्ष समेत भइसकेका व्यक्ति हुन् । कविता संग्रह ‘एक्लो विजेता’ प्रकाशनमा ल्याएका घिमीरेले आफ्नै शब्द र निर्माणमा २ वटा म्यूजिक भिडियो समेत ल्याइसकेका छन् ।
जापानमा रहेर विभिन्न नेपाली संघ÷संस्थामा आवद्ध रहि काम गरिरहेका घिमीरे नेपाल रेडक्रसका यशस्कर सदस्य रहेका छन् । त्यस्तै जापानमा योक्काइचि व्यवसायिक क्लवको सदस्यमा २०१९ बाट र उद्योग बाणिज्य संघं योक्काइचिको सदस्यका रुपमा २०१० बाट आवद्ध रहि काम गरिरहेका छन् ।
योक्काइचि किता रोटरीमा समेत आबद्ध घिमिरे रोटरीको माध्यमबाट आफ्नो कर्मथलो र जन्मथलो जोड्न प्रयास गरिरहेको बताउँछन् । चितवन जिल्ला स्थायी घर भई १५ वर्ष अघि जापान पुगेका घिमिरे जापानको नागोया नजिकै मियकेन क्षेत्रमा व्यवशाय गर्दै आएका छन् ।
एनआरएनए जापानको उपाध्यक्षमा निर्वाचित हुने मौका संस्थाको गरिमालाई उचाइमा पुर्याउन कुनै कसर बाँकी नराख्ने बताउने घिमीरेले जापानबासी नेपालीहरू समक्ष उपाध्यक्ष पदमा आफुलाई मतदान गर्न अनुरोध समेत गरेका छन् ।
वि.सं.२०७८ असार १८ शुक्रवार १२:३५ मा प्रकाशित
