हामी सबैकाे संसारन्यूज

१८ असार, काठमाडौँ । दक्षिण अफ्रिका र वेस्टइंडिज बिचको चौथो टि-२० मा वेस्टइंडिजले २१ रनले जित हासिल गरेको छ ।

टस हारेर पहिले ब्याटिङ्ग गरेको वेस्टइंडिजले २० ओभरमा ६ विकेट गुमाएर १६७ रन बनाएको थियो । वेस्टइ्रंडिजका लागि कप्तान काइरोन पोलार्डले २५ बलमा ५१ रनको विस्फोटक पारी खेलेका थिए । उनले त्यसक्रममा ५ छक्का र २ चौका प्रहार गरेका थिए । दक्षिण अफ्रिकाका लागि बलिङ्गमा भने जर्ज लिन्डे र तबराइज शम्सीले सर्वाधिक २/२ विकेट लिएका थिए ।

वेस्टइंडिजले दिएको १६८ रनको लक्ष्य दक्षिण अफ्रिकाले पुरै २० ओभर पनि खेल्दाँ पनि पुरा गर्न सकेन । दक्षिण अफ्रिकाको टिमले २० ओभरमा ९ विकेट गुमाएर १४९ रन मात्र बनाउन सक्यो । दक्षिण अफ्रिकाका लागि क्विनटन डि ककले ६० रनको विस्फोटक पारी खेले पनि टिमलाई जित भने दिलाउन सकेनन् । बलिङ्गमा वेस्टइंडिजका लागि डुवेन ब्राबोले उत्कृष्ट बलिङ्ग गर्दै ४ विकेट लिएका थिए ।

जितसँगै वेस्टइंडिजले ५ खेलको टि-२० श्रृखलामा २-२ ले बराबरी गरेको छ ।