हामी सबैकाे संसारन्यूज

१८ असार, दिल्ली । भारतमा निरन्तर रुपमा घट्दै गएको कोरोना संक्रमण तीन दिन यता भने बढ्दै गएको पाइएको छ ।

भारतमा मंगलबार ३७ हजार ७० जना संक्रमित भएकोमा बुधबार विहीबार भने यो संख्या बढेको छ । भारतमा बुधबार ४६ हजार १०४ र विहीवार ४८,६०६ संक्रमित भेटिएका हुन् । मंगलबारको तुलनामा संक्रमित हुनेको यो संख्या झण्डै १० हजारले बढी हो ।

सोहि अवधिमा भारतमा बिहीवार ५८ हजार ४७४ जना कोरोना संक्रमणबाट मुक्त भएका छन् भने ८४३ जनाले ज्यान गुमाएका छन् ।

भारतमा हालसम्म कोरोनाबाट ३ करोड ४ हजार संक्रमित भएका छन् भने ती मध्ये २ करोड ९५ लाख निको भएका छन् । कूल संक्रमित कोरोना संक्रमणबाट ज्यान गुमाउनेको संख्या ४ लाख पुगेको छ भने हाल ५ लाख ४ हजार सक्रिय संक्रमितको उपचार भइरहेको छ ।