हामी सबैकाे संसारन्यूज

१९ असार, काठमाण्डौ । ‘बिरालो सेतो होस वा कालो मुसा मार्ने चाहि हुनैपयो’ भन्ने चिनियाँ उखानजस्तो अहिले जसरी पनि खोप चाहिएका बेला नेपालले चीनबाट ४० लाख खोप ल्याउने भएको खबरले मुलुकमा थोरै उत्साह बढेको छ ।

सरकारले चीनसँग ४० लाख डोज खोप खरिदका लागि नन डिस्क्लोजर एग्रीमेन्ट गरेसंगै पहिलो चरणमा १० लाख खोप आउने अनुमान गरिएको छ ।

असार १८ सम्मको बिबरण अनुसार नेपालमा ७ लाख ५७ हजार ३८० ले दुवै खोप प्राप्त गरेका छन भने २५ लाख ७४ हजार ७१५ ले पहिलो खोप लगाएका छन ।

प्रतिक्षामा बसेका झण्डै १८ लाखलाइ दोस्रो खोपको तयारी गरीने भएको छ । साथै ५५ बर्ष माथि उमेर समुह र बढि जोखिममा काम गर्नुपर्नेलाइ प्राथमिकतामा राखिने बताइएको छ । यसबाहेक पर्यटन क्षेत्र उत्साहित पार्न र बिदेशमा भिसा प्राप्त गरेका नागरीकलाइ पनि खोपको ब्यबस्था हुनुपर्ने माग बढेको छ ।

प्रधानमन्त्री केपी शर्मा ओलीले बिपक्षि दलहरुले संक्रमण बढाएको र खोपको राजनीति गरेपनि आफु बिचलित नहुने बताएका छन भने खोप किन्न शुरुदेखि नै पारदर्शि काम नगरेको, भारतमा पैसा बुझाएर पनि ल्याउन नसकेको, चीनको सदासयतालाइ बुझन नसकेको र राष्टपति तथा प्रधानमन्त्रीको सचिवालयबाट अमेरीकाबाट ७० लाख खोप आउदै भनेर प्रचार गरीएको जस्ता बिषयमा बिपक्षिहरुले टिप्पणी गर्दै आएका छन ।

स्वास्थ सेवा बिभागका अनुसार असार २४ मा १० लाख खोप पहिलो खेपमा आउने छ भने त्यसपछि क्रमश ३० लाख आउने निश्चित भएको छ । यो खोपको मुल्य सार्वजनिक गर्न नपाइने चीनीया शर्तका कारण औपचारीक रुपमा नभनिएपनि १ डोजका लागी लगभग १४ डलर पर्ने श्रोतले बताएको छ ।