हामी सबैकाे संसारन्यूज

२२ असार, काठमाडौं । पूर्वप्रधानमन्त्री तथा जनता समाजवादी पार्टी (जसपा) का संघीय परिषद् अध्यक्ष डा. बाबुराम भट्टराईले निजी हवाइ कम्पनीको स्वार्थमा देशको ध्वजावाहकलाई विघटन गर्ने ओलीको राष्ट्रघाती कदमको प्रतिवाद गर्नुपर्ने टिप्पणी गरेका छन् ।

डा. भट्टराईले नेपाल निजी कम्पनीको स्वार्थमा वायुसेवा निगमलाई गुपचुप ढंगले विघटन गर्न लागिएको कुरा अत्यन्त गम्भीर र आपत्तिजनक रहेको समेत बताएका छन् ।

एउटा निजी हवाइ कम्पनीको स्वार्थमा देशको ध्वजावाहक नेपाल वायुसेवा निगमलाई गुपचुप ढंगले विघटन गर्नलागिएको कुरा अत्यन्त गम्भीर र आपत्तिजनक छ।संसद र संसदीय समिति क्रियाशील नरहेको मौका छोपेर ओली र उनका आसेपासेहरूले यो दुष्कर्म गर्नु झन् अपराधिक र राष्ट्रघाती छ!सबैतिरबाट प्रतिवाद गरौं! https://t.co/6YwEYuYnEB

— Baburam Bhattarai (@brb1954) July 6, 2021

‘एउटा निजी हवाइ कम्पनीको स्वार्थमा देशको ध्वजावाहक नेपाल वायुसेवा निगमलाई गुपचुप ढंगले विघटन गर्नलागिएको कुरा अत्यन्त गम्भीर र आपत्तिजनक छ,’ सामाजिक संजाल ट्विटरमा लेख्दै डा. भट्टराईले भनेका छन्, ‘संसद र संसदीय समिति क्रियाशील नरहेको मौका छोपेर ओली र उनका आसेपासेहरूले यो दुष्कर्म गर्नु झन् अपराधिक र राष्ट्रघाती छ ! सबैतिरबाट प्रतिवाद गरौं !’

सरकारले नेपाल वायुसेवा निगमलाई विघटन गरी निजी कम्पनीलाई दिने निर्णय गरेपछि त्यसको सबैतिरबाट आलोचना भइरहेको छ ।