हामी सबैकाे संसारन्यूज

असार २४, काठमाडौं । नेकपा (एमाले)को विवाद समाधान कार्यदलको वार्ता सकारात्मक भएको चर्चा चलिरहँदा माधव पक्षीय नेतृ रामकुमारी झाँक्रीले भने पार्टी अध्यक्ष केपी शर्मा ओलीले जालझेल नै गर्न खोजेको टिप्पणी गरेकी छिन् । उनले अदालतको फैसला नआउन्जेल र सरकार नबनेसम्म ओलीको सर्तमा फस्न नहुने बताएकी छिन् ।

बिहीबार एमाले कार्यदलको चौथो चरणको वार्ता सम्पन्न भएलगत्तै उनले यस्तो टिप्पणी गरेकी हुन् । झाँक्रीले नयाँ प्रक्रियाको सुरुवात गरिएको भन्दै पछाडि फर्कन नहुने बताएकी छिन् ।

‘लोकतन्त्रको रक्षाको लागि संवधिानलाई क्रियाशील गराउन संसदको पुनस्स्थापना एउटा अनिवार्य सर्त हो, हामीले यसको लागि एउटा प्रक्रियाको मात्र थालनी गरेका हौँ’, झाँक्रीले भनेकी छिन्, ‘अदालतको फैसलापछि सरकार बन्ने र विश्वासको मत प्राप्त गर्ने काम बाँकी छ, त्यसकारण कुनै पनि जालझेलमा पर्नुहुन्न, झुक्किनु हुँदैन।’

लोकतन्त्रको रक्षाको लागि संबिधानलाई क्रियाशील गराउन संसदको पुन:स्थापना एउटा अनिवार्य सर्त हो।हामीले यसको लागि एउटा प्रक्रियाको मात्र थालनी गरेका हौँ। अदालतको फैसलापछि सरकार बन्ने र विश्वासको मत प्राप्त गर्ने काम बाँकी छ।त्यसकारण कुनै पनि जालझेलमा पर्नुहुन्न। झुक्किनु हुदैन।

— Ram kumari Jhakri (@Jhakri_didi) July 8, 2021

लामो समयदेखि निष्क्रिय एमाले विवाद समाधान कार्यदल सोमबारदेखि सक्रिय छ । कार्यदलको छलफलहरु सकारात्मक हुँदै गएको नेताहरुले बताएका छन् ।

तर, एमाले कार्यदलको छलफल सकारात्मक भईरहेको चर्चाका बीच माधव पक्षीय नेतृ झाँक्रीको यस्तो भनाई सार्वजनिक हुनुलाई अर्थपूर्णंं मानिएको छ । झाँक्रीको भनाईले ओली पक्षसँग माधव पक्ष थप सशंकीत रहेको देखाउँछ ।