Sansar News
२९ असार, काठमाडौँ । ज्योति विकास बैंक र नेपाल फर्निचर तथा फर्निसिङ्ग उद्यमी महासंघबीच सहकार्यको लागि सम्झौता भएको छ ।
सम्झौता पत्रमा ज्योति विकास बैंकका तर्फबाट बैंकका प्रमुखकार्यकारी अधिकृत श्रीचन्द्र भट्ट र नेपाल फर्निचर तथा फर्निसिङ्ग उद्यमी महासंघकातर्फबाट महासंघका महासचिव ओमबहादुर बस्नेतले हस्ताक्षर गरेका थिए ।
सम्झौता अनुसार बैंकले महासंघमा आबद्ध व्यवसायीहरु तथा त्यस्ता संस्थामा कार्यरत कर्मचारीहरुलाई विशेष छुटमा प्रोफेसनल लोन,कर्जा सेवाहरु र सहज वित्तिय सेवाहरु प्रदान गर्नेछ ।
साथै बैंकले महासंघ अन्तर्गतका व्यवसायीहरुलाई डिजिटल बैंकिङ्ग सेवाहरु प्रदान गर्ने बताएको छ ।
वि.सं.२०७८ असार २९ मंगलवार १३:४९ मा प्रकाशित
