हामी सबैकाे संसारन्यूज

१८ साउन, काठमाडौं । नेकपा (माओवादी केन्द्र) को स्थायि कमिटीको बैठक आज पार्टी कार्यालय पेरिसडाँडामा बस्दै छ ।

आज दिउँसो ३ बजे बस्ने केन्द्रको आजको बैठकमा सरकारमा सहभागी हुने मन्त्री छान्ने लगायतका विभिन्न विषयमा छलफल हुने एक नेताले बताएका छन् ।

माओवादी केन्द्रले अझै सात मन्त्रालय पाउने सम्भावना रहेको छ भने शेर बहादुर देउवा नेतृत्वको सरकारमा यसअघि जनार्दन शर्माले अर्थ मन्त्रालय र पम्फा भुसालले उर्जा मन्त्रालयको जिम्मेवारी पाइसकेका छन् ।

असार २९ गते प्रधानमन्त्रीमा नियुक्त भएका देउवाले आफ्नो नेतृत्वमा सरकार गठन भएको दुईसाता भइसक्दा पनि मन्त्रिपरिष्द विस्तार गर्न सकेका छैनन् ।

माओवादीबाट नारायणकाजी श्रेष्ठ, हरिबोल गजुरेल, देवेन्द्र पौडेल, हरिराज अधिकारी, देवप्रसाद गुरुङ, मातृका यादव, जयपुरी घर्ती, अञ्जना विशंखे ,शशी श्रेष्ठ, सुदन किराती, अमनलाल मोदी, शिवकुमार मण्डल लगायतको सरकारमा जाने चर्चा रहेको छ । माओवादी केन्द्रमा मन्त्रीका आकांक्षी धेरै भएपछि कसलाई मन्त्री बनाउने भन्ने सकसमा नेतृत्व रहेको बताइएको छ ।