हामी सबैकाे संसारन्यूज

१८ साउन, काठमाडौं । बागमती प्रदेशमा आइतवार थप ५ कोरोना संक्रमितको मृत्यु भएको छ ।

प्रदेशको सामाजिक विकास मन्त्रालयका अनुसार आइतवार काठमाडौंका ६६ र ८१ वर्षीय २ पुरुष, दोलखाका ६६ र ललितपुरका ९३ वर्षीय पुरुष तथा मकवानपुरकी ६१ वर्षीया महिला गरेर ५ जनाको मृत्यु भएको हो ।

आइतवार थपिएका ५ जनासँगै प्रदेशमा संक्रमणबाट ज्यान गुमाउनेको संख्या ४०५८ पुगेको छ ।

प्रदेशमा आइतवार गरिएको ५,८७५ नमुना परीक्षणमा ११४६ जनामा संक्रमण पुष्टि भएको छ । आइतवार थपिएका ११४६ जनासँगै प्रदेशमा हालसम्म ३ लाख ७६ हजार ६१५ जना संक्रमित भएका छन् । ती मध्ये ३ लाख ५९ हजार ९५६ जना संक्रमणबाट मुक्त भइसकेका छन् । आइतवार प्रदेशमा ८१७ जना संक्रमणबाट मुक्त भएका थिए । प्रदेशमा हाल ४९० जना आइसीयु र ९४ जना भेन्टिलेटरमा उपचारत रहेको पनि मन्त्रालयद्धारा जारी विवरणमा उल्लेखछ ।