Sansar News
९ भदौ, काठमाडौं । माधव कुमार नेपाल र महन्त ठाकुर नेतृत्वको नयाँ दल दर्ताको प्रक्रिया आज टुंगो लाग्ने भएको छ ।
निर्वाचन आयोगले नेता नेपालको नेतृत्वमा प्रस्तावित पार्टी नेकपा एकिकृत समाजवादी र ठाकुर नेतृत्वको प्रस्तावित लोकतान्त्रिक समाजवादी पार्टीको दर्ता प्रक्रियाको टुंगो आज लगाउने भएको हो ।
दल दर्ताको निवदेन दिएका दुवै पार्टीका नेतृत्वसहित अन्य नेताहरुरुलाई आयोगले आज सनाखतका लागि बोलाएको छ । आयोगले सनाखतका लागि साढे दुईघण्टाको समय दिएको बताइएको छ । विहान ११: ३० बजेदेखि दिउँसो २ बजेसम्ममा सनाखतका लागि नेताहरु आयोगमा उपस्थित हुनुपर्ने जनाइएको छ ।
वि.सं.२०७८ भदौ ९ बुधवार ०९:५२ मा प्रकाशित
