Sansar News
१० भदौ, काठमाडौं । आज राति देखि भोली सम्म नारायणी र यसका सहायक नदीहरुमा बहाब उल्लेख्य बढ्ने र केहीमा सतर्कता आसपास पुग्न सक्ने भन्दै तटीय क्षेत्र तथा डुबान हुने क्षेत्रमा उच्च सकर्तकता अपनाउन अनुरोध गरिएको छ ।
जल तथा मौसम विज्ञान विभागद्धारा जारी सूचना अनुसार कोशी, कर्णाली, महाकाली र यसका सहायक नदीहरू, कन्काई, कमला, बागमती, पूर्वी राप्ती, तिनाउ, पश्चिम राप्ती, बबईमा बहाव उल्लेख्य बढ्ने तथा केहीमा सतर्कता आसपास पुग्न सक्ने हुनाले सर्तकता अपनाउन अनुरोध गरिएको हो ।
त्यस्तै देशैभरिका मध्यपहाड, चुरे र तराई भई बहने स–साना नदीहरुमा बहाव बढ्ने र केहीमा आकस्मिक बहाब हुने सम्भावना रहेकोले उक्त अवधिभर तटीय क्षेत्रहरू तथा डुबान भइरहने क्षेत्रहरूमा उच्च सतर्कता अपनाउन पनि विभागले अनुरोध गरेको छ । file photo
वि.सं.२०७८ भदौ १० बिहीवार २१:०० मा प्रकाशित
