सिन्ह्वा । आपसी राजनीतिक विश्वासलाई बढाएर विद्यमान मतभेद कम गर्ने उद्देश्यले चीन-युरोप उच्चस्तरीय रणनीतिक वार्ता शुरू भएको छ ।
चीनका परराष्ट्र मन्त्री वाङ यी र युरोपेली सङ्घका कूटनीतिक तथा सुरक्षा नीति उच्च प्रतिनिधि जोस बोर्रेल्लले संयुक्तरूपमा अध्यक्षतामा गरेको एघारौँ चीन-युरोप उच्चस्तरीय रणनीतिक वार्ता चीन र युरोपेली सङ्घबीच रहेका मतभिन्नतालाई कम गर्ने विश्वास वार्तामा चिनियाँ परराष्ट्र मन्त्री वाङले गरेको बताइएको छ ।
चिनियाँ परराष्ट्र मन्त्रालयका अनुसार मन्त्री वाङ यीले हालै चीन र युरोपबीचको सम्पर्क र वार्ता बढ्दै गइरहेको क्रममा धेरै मतैक्य हासिल भएको बताए । वार्तामा सकारात्मक प्रवृत्तिलाई कायम राख्दै आपसी राजनीतिक विश्वासलाई बढाएर विद्यमान मतभेदलाई उचित तरिकाले कमी गर्ने र विश्वव्यापी देखा परेका चुनौतीको सामना गर्न दुवै पक्षको योगदान रहने विश्वास उनको छ ।
वाङले संयुक्त राष्ट्रसङ्घको ७६औँ महासभाको सामान्य बहसमा राष्ट्राध्यक्ष सीले प्रस्तुत गरेको विश्वको विकास प्रस्तावमा युरोपको सहभागिताका लागि स्वागत पनि गरेको छ ।
युरोपेली सङ्घका उच्च प्रतिनिधि बोर्रेल्लले चीनसँग मिलेर भावी आपसी उच्चस्तरीय आदानप्रदानको तयारी गर्दै पारस्परिक सम्बन्धको विकासका लागि राजनीतिक निर्देशन दिने अपेक्षा वार्तामा गरेको बताइएको छ । चीनसँग महामारी प्रतिरोध, जलवायु परिवर्तन तथा जैविक विविधताको संरक्षणमा हुने सहयोगमा निरन्तरता दिँदै जाने इच्छा पनि उनले व्यक्त गरेका छन् ।
यसका अतिरिक्त, दुई पक्षबीच मानवअधिकार सम्बन्धमा वैचारिक आदानप्रदान भएको पनि मन्त्रालय स्रोतले बताएको छ ।
वि.सं.२०७८ असोज १४ बिहीवार ०८:३८ मा प्रकाशित