हामी सबैकाे संसारन्यूज

काठमाडौं । प्रधानन्यायाधीश चोलेन्द्र शमशेर राणाको राजीनामा माग गर्दै कानून व्यवसायीहरु आन्दोलनमा उत्रिरहेका बेला आन्दोलनलाई विथोल्न भिजिलान्तेको प्रयोग हुन थालेको छ । छिटफुट रुपमा काठमाडौंमा देखिने भिजिलान्ते समूहले बिहीबार नेपाल बार एसोसिएसनको परिषदमै प्रवेश गरेर कानून व्यवसायमाथि लाइलाग्ने प्रयास गरेका छन् ।

कानून व्यवसायीमाथि जाइलाग्ने प्रयास गरेका केहीलाई प्रहरीले पक्राउ पनि गरेको छ । बिहीबार मध्यान्ह आन्दोलन गरिरहे कालोकोट च्यातिदिने भन्दै बार परिषद्मा केही व्यक्ति प्रवेश गरेका थिए ।

कानून व्यवसायीमाथि धम्कीपूर्णं भाषा प्रयोग गर्दै जाइलाग्ने प्रर्यत्न गरेपछि प्रहरीले उनीहरुलाई पक्राउ गरेको हो । प्रहरीले सो क्रममा तीन जना व्यक्तिलाई पक्राउ गरेका छ । उनीहरुको पहिचान भने प्रहरीले खुलाएको छैन् ।

यसअघि बिहीबार नै कानून व्यवसायीको प्रदर्शनमा प्रहरीले बल प्रयोग गर्दा नेपाल बार एसोसिएसनका अध्यक्ष चण्डेश्वर श्रेष्ठसहित केही घाइते भएका थिए । घाइते श्रेष्ठलाई अस्पताल भर्ना गरिएको छ ।