हामी सबैकाे संसारन्यूज

काठमाडौं । नेचर सुपर मार्केट प्रा.लि.को तेस्रो शाखा सुर्यबिनायक, ३ बालकोट, अधिकारी टोलमा खुलेको छ । सोमवार एक कार्यक्रमबीच सु.न.पा. बडा नं. ३ का अध्यक्ष शिवबरण खत्री एवं वरिष्ठ हास्य कलाकार, चर्चित नायिका एवं सफल निर्देशक दिपाश्री निरौलाले शाखा शुभारम्भ गरेका हुन् । गत वर्ष कात्तिक महिनादेखि काठमाडौंको मैतीदेवी चोकबाट सञ्चालनमा आएको नेचर सुपर मार्केटले सेवा विस्तार गरेको थियो । व्यावसायिक क्षेत्रमा ३ दशक लामो अनुभव सँगालेका व्यवसायीहरूको नेतृत्वमा नेचर सुपर मार्केट सञ्चालनमा रहेको छ ।

‘उपभोक्ताको सन्तुष्टि, हाम्रो दायित्व’ नाराका साथ सञ्चालनमा आएको सुपर मार्केटले बजारको माग र आम उपभोक्ताको आवश्यकता अनुसार गुणस्तरीय खाद्यान्न तथा ग्रोसरी सामानहरू ग्राहकमाझ उपलब्ध गराउने प्रालिका अध्यक्ष जनक धामीले जानकारी दिए । ‘बालकमोट आसपासका उपभोक्तालाई सहज रुपमा खाद्यान्न तथा ग्रोसरी सामान उपलब्ध गराउन शाखाले सहयोग पु¥याउनेछ,’ उनले बताए ।

प्रालिले काठमाडौं उपत्यकाको जुनसुकै ठाउँमा निःशुल्क होम डेलिभरी सेवा उपलब्ध गराइरहेको जनाएको छ । शाखा शुभारम्भको अवसरमा प्रालिले खाद्यान्न तथा ग्रोसरी सामानहरूमा ३ देखि १५ प्रतिशतसम्म छुट प्रदान गर्ने सञ्चालक समिति सदस्य तारामान धामीले जानकारी दिए । छुट अवधि १ महिनासम्म जारी रहनेछ प्रालिले जनाएको छ ।