हामी सबैकाे संसारन्यूज

काठमाडौं । पूर्वमन्त्री हृदयदेश त्रिपाठीले नयाँ पार्टी खोलेका छन् ।

तत्कालिन राष्ट्रिय जनता पार्टीबाट अलग भएर स्वतन्त्र राजनीतिक समूह बनाएर हृदयदेश त्रिपाठीले मंगलवार राजधानीमा आयोजित एक कार्यक्रममा नयाँ पार्टीको घोषणा गरेका हुन् ।

तत्कालीन नेकपाको सरकारमा संघीय मामिला तथा सामान्य प्रशासन मन्त्री र स्वास्थ्यमन्त्री समेत रहेका त्रिपाठी तत्कालीन राष्ट्रिय जनता पार्टी नेपालबाट अलग भएका त्रिपाठीले जनता प्रगतिशील पार्टी नेपालको घोषणा गरेका हुन् ।

पार्टीका संयोजक आफै रहेका त्रिपाठीले देशमा दलहरुको कमी भएर आफुले पार्टी गठन गरेको नभइ बैचारिक शून्यता भएको वर्तमान अवस्था तथा राज्यका तीनवटै अंगहरु व्यवस्थापिका, कार्यपालिका र न्यायापालिका प्रभावहीन तथा गतिहीन भइरहेको अवस्थामा संविधानको कार्यान्वयनलाई बाधा उत्पन्न भइ राजनीतिक लिक बाहिर गएको अवस्थामा आफ्नो पार्टीले राजनीतिलाई सहि बाटोमा ल्याउने विश्वास व्यक्त गरेका छन् ।

‘संविधानको कार्यान्वयनमा देखिएको जटिलताको पहिचान गरी आगाममी निर्वाचन पूर्व सहमति प्राप्त बुँदाहरुमा संविधान संशोधन गर्न आवस्यक छ । यस कार्यले एकातिर संविधान कार्यान्यवनको क्रममा देखिएका वाधा÷अवरोध समाप्त हुनेछन् भने अर्कोतिर नयाँ आशावादको मनोविज्ञान संचारित हुनेछ । ’ पार्टी घोषणाका क्रममा जारी विज्ञप्तिमा भनिएको छ ।