हामी सबैकाे संसारन्यूज

काठमाडौं । नेपाली कांग्रेसभित्र कोइराला परिवार भनेर बुझिएको शेखर, शशांक, सुजातालगायतको समूह नै विभाजित बनेको छ । पार्टीको १४ औं महाधिवेशनको दौरान समूह विभाजित बनेको हो । शेखर कोइराला सभापतिको उम्मेदवार हुँदै गर्दा अन्य नेताहरु भने शेरबहादुर देउवाको पक्षमा उभिएका छन् ।

शेखरले सभापतिमा उम्मेदवारी दिँदै गर्दा सुजाता कोइरालाले यसअघि नै प्रकाशमान सिंहको समूहबाट उम्मेदवारी घोषणा गरेकी थिइन । उनले समूह नै परिवर्तन गरेर उम्मेदवारी दिँदै गर्दा डा. शशांक कोइराला भने मौन बसेका थिए । तर, दोस्रो चरणको निर्वाचनमा भने शशांक पनि देउवा पक्षमा खुलेका छन् ।

पहिलो चरणको निर्वाचनमा मौन बनेका कारण देउवा समूहले पनि उनको नाम आफ्नो प्यानलमा राखेर मत मागेको थियो । उनलाई शेखर र देउवा दुवै प्यानलले मत मागेका थिए ।

सभापतिका अन्य उम्मेदवारहरु प्रकाशमानसिंह, विमलेन्द्र निधि र कल्याण गुरुङ्गले देउवालाई समर्थन जनाउने घोषणा गरेसँगै शशांक पनि उनको पक्षमा उभिएका हुन् । शशांश यसअघि आफुँ स्वंय नै सभापतिको उम्मेदवार बन्ने तयारीमा थिए ।