Sansar News
काठमाडौं । नेपाली कांग्रेसको १४ औं महाधिवेशनअन्तर्गत महामन्त्रीको मतगणना भोलि बिहीबार मात्रै हुने भएको छ । कांग्रेस केन्द्रीय निर्वाचन समितिका संयोजक गोपालकृष्ण घिमिरेका अनुसार महामन्त्रीको मतगणना भोली मात्रै हुने भएको हो ।
उनका अनुसार उपसभापतिको मतगणना भने केही समयमै पार्टी कार्यालय सानेपामा हुने भएको छ ।
‘आज हामी उपसभापतिकोमात्रै मतगणना गर्छौं। राति दस बजेसम्म सकिन्छ कि भन्नेछ’, उनले भनेका छन्, ‘महामन्त्रीको भोलिमात्रै गन्न थाल्छौं।’
महामन्त्रीको मतपरिणाम आएसँगै सहमहामन्त्री र केन्द्रीय सदस्यको मतगणना हुने उनले जनाए ।
अब सबै मतगणना पार्टी केन्द्रीय कार्यालयमै हुने उनले जनाएका छन् । उनका अनुसार सबै मतपत्र पार्टी कार्यालय सानेपामा राखिएको छ।
कांग्रेस उपसभापतिमा विजयकुमार गच्छदार, पूर्णबहादुर खड्का, दिव्येश्वरी शाह, सुजाता कोइराला, महेश आचार्य, धनराज गुरूङ र चन्द्र भण्डारीले उम्मेदवारी दिएका छन्।
वि.सं.२०७८ मंसिर २९ बुधवार १५:५० मा प्रकाशित
