Sansar News
काठमाडौं । नेपाली कांग्रसको आगामी नयाँ नेतृत्वका लागि गत सोमबार भएको निर्वाचन अन्तर्गत खुला महिला सदस्यका लागि खसेको मतगणना जारी रहेको छ ।
शनिवार र आइतवार गरिएको मतगणनामा ३५ खुला केन्द्रीय सदस्यको मत परिणाम आएसँगै अब खुला महिला सदस्यको मतगणना सुरु गरिएको हो ।
नेपाली कांग्रेसको ९ जना खुला महिला केन्द्रीय सदस्यका लागि ३० जनाले उम्मदेवारी दिएका छन् । आइतवारदेखि गरिएको मत गणनामा हालसम्म डा. आरजु राणा देउवा, पुष्पा भुसाल, डिला संग्रौला लगायतका उम्मेदवार अगाडि रहेका छन् ।
नेपाली कांग्रेसको १४ औं महाधिबेशन अन्तर्गत गत सोमबार भएको निर्वाचनको मत परिणाम आउने क्रम जारी छ । यसअघि १ सभापति, २ उपसभापति, २ महामन्त्री, ८ सहमहामन्त्री र ३५ खुला केन्द्रीय सदस्य निर्वाचित भइसकेका छन् ।
वि.सं.२०७८ पुस ५ सोमवार १२:२३ मा प्रकाशित
