Sansar News
काठमाडाैं । नेपाल राष्ट्र बैंकले आयतमा कडाई गर्नेगरि बैंक तथा बित्तिय संस्थाहरुलाई परिपत्र गरेको छ ।
सोमबार बाणिज्य बैंक तथा विकाश बैंकहरुलाई एक परिपत्र जारी गर्दै केन्द्रीय बैंकले कडाइ गर्ने संकेत गरेको हो ।
राष्ट्र बैंकको परिपत्र अनुसार अबदेखि चिनी, चकलेट, ल्वाङ, मिनरल वाटर, मदिरा तथा भिनागर, चुरोट तथा सुर्तिजन्य बस्तुहरु, अत्तर, कस्मेटिक सामान, काठबाट निर्मित सामानहरू, जुत्ता चप्पल, छाता तथा लठ्ठी, मार्वल, सिमेन्ट, प्लास्टर तथा सेरामिक बस्तु, सुन, चाँदीजस्ता वस्तु आयात गर्दा सत प्रतिशत नगद मार्जिन राख्नुपर्नेछ व्यवस्था गरिएको छ ।
सैगरी गाडी र मोटरसाइकल आयातमा ५० प्रतिशत मात्रै मार्जिन रकम राखेर प्रतीतपत्र खोल्न सकिने छ ।
उता विद्युतीय सवारी आयतका हकमा भने राष्ट्र बैंकले मार्जिनको नीति लिइएको छैन ।
अबदेखि बस्तु आयतको लागि प्रतितपत्र खोल्दा तोकिए अनुसारको नगद मार्जिन लिनु पर्नेहुन्छ । तर यस अघिभने बस्तु आयतको प्रकृया सुरु गर्दा नगद मार्जिन राख्नु पर्ने अनिवार्य व्यवस्था थिएन ।
राष्ट्र बैंकले परिपत्र जारिगरिसकेपछि मंगलबारबाट नै आयतकर्ताले तोकिएको रकम बैंकमा जम्मा गरेपछि मात्र प्रतितपत्र खोल्न सक्नेछन् ।
सोमबार जारी गरेको परिपत्र पछि अहिलेको तरलताको समस्यमा केहि कमिहुने अपेक्षा राष्ट्र बैंकको छ । त्यस्तै घटामा रहेको सोधनान्तर स्थिति र घटिरहेको बिदेशी मुद्राको सञ्चितिमा पनि सुधार हुने अपेक्षा राष्ट्र बैंकाले गरेको छ ।
हेर्नुहास् राष्ट्र बैंककाे परीपत्र
वि.सं.२०७८ पुस ५ सोमवार २२:१६ मा प्रकाशित
