Sansar News
काठमाडौं । नेकपा (माओवादी केन्द्र) को बागमती प्रदेश अध्यक्षमा सरल सहयात्री पौडेल निर्वाचित भएका छन् ।
प्रदेशको सोमबार सम्पन्न प्रदेश सम्मेलन अन्तर्गत भएको निर्वाचनमा सिन्धुपाल्चोकका पौडेलले १६२ मत ल्याएर विजयी भएका छन् भने उनका प्रतिस्प्रर्धी दीनानाथ गौतमले ८६ मत ल्याएर पछि परेका थिए ।
तयसैगरी तीन उपाध्यक्षमा रुपा महर्जन १७८, रामप्रसाद ढुंगाना १०१ र प्रेम बहादुर पुलामी (छिन्तु) १३८ मत ल्याएर विजयी भएका छन् । उपाध्यक्षका लागि १० जनाको उम्मेदवारी परेको थियो ।
त्यस्तै १ सचिवका लागि ८ जनाको उम्मेदवारी परेकोमा इन्द्र बहादुर थिङ .(छिन्ताङ) १४९ मतसहित विजयी भएका छन् भने तीन सहसचिव पदमा दलबहादुर बुर्लाकोटी ११५, माधव प्रसाद लामिछाने १०८ र प्रकाश श्रेष्ठले १०८ मत ल्याएर विजयी भएका छन् । सहसचिवका लागि ६ जनाको उम्मेदवारी परेको थियो ।
त्यसैगरी प्रदेशको कोषाध्यक्षमा संगीता भट्टराई १५३ मतसहित विजयी भएको निर्वाचन समितिका प्रमुख सुन्दरराज रेग्मीले जानकराी दिएका छन् ।
सहमतिबाट नेतृत्व चयन गर्न गरिएको प्रयास असफल भएसँगै नेकपा ९माओवादी केन्द्र०ले बागमती प्रदेशको नेतृत्व चुनावी प्रक्रियाबाट चयन गरेको हो ।
यी हुन् बागमती प्रदेशमा नेतृत्व लिन खोज्ने माओवादी नेताहरु (नामावलीसहित)
वि.सं.२०७८ पुस ६ मंगलवार ०७:५५ मा प्रकाशित
