Sansar News
काठमाडौं । नेकपा (माओवादी केन्द्र)को स्थायी कमिटी बैठकमा पार्टी अध्यक्ष पुष्पकमल दाहाल ‘प्रचण्ड’ले राष्ट्रिय सम्मेलनका लागि तयार गरेको राजनीतिक प्रस्ताव पेश भएको छ । शुक्रबार बिहान बसेको स्थायी समिति बैठकमा अध्यक्ष प्रचण्डले राजनीतिक प्रस्ताव पेश गरेका हुन् ।
पार्टी प्रवक्ता नारायणकाजी श्रेष्ठले बताएअनुसार प्रचण्डले तयार गरेको उक्त प्रस्ताव दिउँसो तीन बजेदेखि बस्ने स्थायी समिति बैठकमा छलफल हुनेछ । माओवादी स्थायी समितिको बैठकको मुख्य एजेण्डा नै प्रचण्डको प्रस्तावमाथि छलफल गर्ने छ ।
प्रचण्डले आफ्नो राजनीतिक प्रतिवेदनमा सशस्त्र युद्धकालदेखि लिएको प्रचण्डपथको समिक्षा गरेका छन् । बताइएअनुसार पछिल्लो माओवादी आन्दोलनको अवस्था र सम्भावनाबारे पृथक रुपमा प्रतिवेदनमा विषय उठाइएको छ ।
वि.सं.२०७८ पुस ९ शुक्रवार १३:५० मा प्रकाशित
