हामी सबैकाे संसारन्यूज

काठमाडौं । नेकपा (माओवादी केन्द्र)को आठौं महाधिबेशनमा जारी बन्दसत्रमा पुष्पकमल दाहाल ‘प्रचण्ड’ को राजनीतिक प्रतिवेदनमा २५ समुहका नेताले सामुहिक निष्कर्ष राख्ने क्रम सकिएको छ ।

पुष्पकमल दाहाल चाहेका होइनौं ‘हिजोकै’ प्रचण्ड चाहेका हौं भन्ने कुरामा जोड दिँदै आएका माओवादी नेता सुरेश आले मगरले बिहीवारको बन्दसत्रमा आफु ‘फोर्टी ओभर’ को युवा भन्दै प्रचण्डतर्फ फर्केपछि माओवादी अध्यक्ष प्रचण्डले आलेतर्फ एकोहोरिएका थिए ।

बिहीवार जवस मोर्चाहरुको समुहबाट आफ्नो धारणा राख्दै मगरले प्रचण्डले गरेको आत्मालोचना प्रति आफ्नो समुहको समर्थन रहेको बताएका थिए । आफू ‘सिक्टी नाइन’ भएपनि अरु युवा भन्दा तन्नेरी भएको बताउँदै उनले पार्टीभित्र अवसरको न्योाचित वितरण हुन नसकेको र यसअघिका सुझावहरु रद्धिको टोकरीमा फ्याकिएको भन्दै नेताहरुलाई गम्भीर बन्न आग्रह गरेका थिए ।

नेकपा माओवादी केन्द्रमा जातीय र वर्गिय सन्तुलनको प्रश्न अझै प्रष्ट हुन नसेकेकोमा दुःख व्यक्त गर्दै उनले पार्टीभित्र ‘जातीय मामिला विभाग’ गठन हुनुपर्ने कुरा समेत उठाएका थिए ।