हामी सबैकाे संसारन्यूज

काठमाडौं । प्रधानमन्त्री शेरबहादुर देउवाले भाग लिन जाने भनिएको ‘भाइब्रेन्ट गुजरात समिट’ एक्कासी स्थगित गरिएको छ ।

समाचार ऐजेन्सीका अनुसार यहि जनवरी १० देखि हुने भनिएको उक्त समिट अर्को सूचना जारी नभएसम्मका लागि स्थगित गरिएको हाे ।

उक्त समिटमा भाग लिनका लागि पुष २५ गते भारत जान लागेका प्रधानमन्त्री देउवाको उक्त भ्रमणलाई लिएर विभिन्न तयारी हुँदै थियो । समिट तत्कालका लागि स्थगित हुँदा प्रधानमन्त्रीको भारण भ्रमण हुने/नहुने विषयमा भने केही निर्णय नभएको बताइएको छ ।

भारतमा पछिल्ला केही दिनयता कोरोना भाइरसको नयाँ भेरियन्ट ओमिक्रोनको संक्रमण बढ्दै गएका कारण गुजरात सरकारले उक्त समिट सारेको बताइएको छ ।

#Omicron: Gujarat Govt postpones 10th Vibrant Gujarat Global Summit to be held from January 10 to January 12

— ANI (@ANI) January 6, 2022

दुई/दुई वर्षमा आयोजना गरिने उक्त समिटमा विभिन्न देशका राष्ट्रका सरकार प्रमुख, मन्त्रीहरु, विभिन्न व्यवसायीक कम्पनीका सिइओहरुलगायतको सहभागीता हुने गरेको छ ।