Sansar News
दिल्ली । भारतमा केहीदिन यता कोरोना संक्रमण हुनेको संख्या निरन्तर ओरालो लाग्दै आएको छ ।
भारतमा सोमबार २ लाख ५५ हजार ८७४ जना कोरोना संक्रमित थपिएका छन् । आइतवारको तुलनामा सोमबार संक्रमित हुनेको संख्या झण्डै ५० हजारले कमी हो ।
भारतमा कोरोना संक्रमितको संख्या घट्दै गए पनि मृत्यु हुनेको संख्यामा भने कमी आएको छैन । सोमबार एकैदिन ६१४ जनाले ज्यान गुमाएका हुन् ।
भारतमा हाल २२ लाख ३६ हजार सक्रिय संक्रमित रहेका छन् । भारतको स्वास्थ्य मन्त्रालयले भारतमा १५ फरवरी देखि कोरोना संक्रमण घट्दै जाने बताएको छ ।
वि.सं.२०७८ माघ ११ मंगलवार १०:११ मा प्रकाशित
