हामी सबैकाे संसारन्यूज

काठमाडौं । भारतकी प्रशिद्ध गायिका लता मंगेशकरको निधन भएको छ । कोरोना संक्रमण भएपछि अस्पतालमा उपचाररत रहेकी ९२ वर्षीया लताको आइतबार निधन भएको भारतीय सञ्चारमाध्यमहरूले जनाएका छन् ।

गायिका लता विगत २९ दिनदेखि मुम्बईको ब्रीच क्यान्डी अस्पतालमा उपचाररत थिइन । उनलाई यसै वर्ष जनवरी महिनाको सुरुवातमा कोभिड संक्रमण भएपछि अस्पताल भर्ना गरिएको थियो । स्थितिमा सुधार नभएपछि उनी हप्तौँसम्म आइसीयूमा भर्ना थिइन् ।

लता मंगेशकर एक महान पार्श्वगायिका थिइन् । उनले विशेषतः भारतीय फिल्मी सङ्गीतलाई निकै ठूलो योगदान दिएको धेरैको बुझाई छ ।

गायिका लताको निधनमा भारत सरकारले दुई दिने राष्ट्रिय शोकको घोषणा गरेकाे छ ।