हामी सबैकाे संसारन्यूज

काठमाडौं । सत्तारुढ नेकपा (माओवादी केन्द्र)को केन्द्रीय समिति बैठक माघ २८ देखि हुने भएको छ । पार्टी केन्द्रीय कार्यालयका सचिव श्रीराम ढकालका अनुसार बैठक माघ २८ देखि संघीय राजधानी काठमाडौं बस्नेछ ।

कोरोना महामारीका कारण पटक–पटक स्थगित बैठक भौतिक रुपमै बस्न लागेको उनले जनाए । समयसामयिक राजनीतिक विषयमा छलफल गर्दै बैठकले केन्द्रीय सदस्यको मनोनयन, पोलिटब्यूरो, स्थायी समिति एवम् पदाधिकारी चयन गर्नेछ ।

बताइएअनुसार विवाद र बहसको केन्द्रमा रहेको अमेरिकी सहयोग परियोजना मिलेनियम च्यालेन्ज कर्पोरेशन (एमसिसी)बारे पनि बैठकले निर्णय लिनेछ । साथै, स्थानीय तहको निर्वाचन तयारीबारे पनि ठोस कार्यक्रम बनाउने तयारी गरिएको बुझिएको छ ।

माघ २८ र २९ दुई दिनसम्म बस्ने गरि तय गरिएको भए पनि बैठक केही लम्बिन सक्ने सम्भावना छ ।